Back

ⓘ Papa Leo I




Papa Leo I
                                     

ⓘ Papa Leo I

Papa Leo I alikuwa Papa kwa muda mrefu, kuanzia 29 Septemba 440 hadi kifo chake, wakati usalama wa Roma ulikuwa unatishwa na makabila yasiyostaarabika. Jina lake la kuzaliwa pia lilikuwa Leo.

Alimfuata Papa Sixtus III akafuatwa na Papa Hilarius.

Ndiye Papa wa kwanza kuitwa "Mkuu" kutokana na mchango mkubwa alioutoa upande wa dini na wa siasa akiwajibika kuhudumia taifa la Mungu kwa kila namna. Ni kati ya Mapapa bora waliolipatia Kanisa la Roma sifa na kuliimarishia mamlaka yake wakati ile ya serikali ya jiji hilo ilikuwa inafifia zaidi na zaidi.

Tangu zamani anaheshimiwa kama mtakatifu na babu wa Kanisa.

Mwaka 1754 Papa Benedikto XIV alimuongezea sifa ya mwalimu wa Kanisa.

Sikukuu yake inaadhimishwa kila mwaka tarehe 10 Novemba.

                                     

1. Asili na ujana

Alizaliwa na familia ya kisharifu ama Roma ama katika mkoa wa Toscana Italia ya kati mwaka 400 hivi.

Kutokana na umaarufu wake, mwaka 431, akiwa shemasi tu, pengine aliandikiwa na Sirili wa Aleksandria ili amuunge mkono dhidi ya Juvenali wa Yerusalemu. Wakati huohuo Yohane Kasiano alimuandikia kitabu dhidi ya Nestori wa Konstantinopoli. Hasa malkia wa Magharibi alimteua kuwapatanisha maofisa wakuu wa Galia leo Ufaransa.

Akiwa huko, Papa Sixtus III alifariki 11 Agosti 440, na Leo alichaguliwa na umati kwa kauli moja kushika nafasi yake.

                                     

2. Papa

Tarehe 29 Septemba alianza kazi yake kama Papa ambayo ilichangia sana kukusanya mamlaka ya Kanisa lote katika jimbo la Roma, aliloliunda upya pamoja na majimbo mengine ya Italia.

Ili kuimarisha nafasi hiyo ya Kanisa pekee la Magharibi lililoanzishwa na mitume, alijitafutia hati maalumu kwa Kaisari Valentiniano II. Hiyo haikupendeza Wakristo wa Mashariki.

Nafasi bora ya kusisitiza kwa busara mamlaka hiyo hata upande wa mashariki ilitolewa na mabishano kuhusu nafsi ya Yesu Kristo yaliyosababishwa na Eutike kukanusha ubinadamu halisi wa Kristo.

Katika waraka maarufu aliomuandikia Patriarki Flavianus wa Konstantinopoli 449 ili kumuangalisha kuhusu uzushi wa mtu huyo, Leo alifafanua wazi namna umungu na utu wa Kristo yanavyounganika katika nafsi yake.

Hata hivyo mwaka huohuo mtaguso unaojulikana kama Wizi wa Efeso ulipuuzia waraka huo usisomwe, ukamtetea Eutike. Hapo Leo akashika uongozi wa mapambano dhidi yake.

Mwaka 451 katika Mtaguso wa Kalsedonia, baada ya barua yake kwa Flavianus kusomwa, maaskofu wote 350 walisimama na kulia: "Ndiyo imani ya mababu. Mtume Petro amesema kwa njia ya Leo." Hivyo ilithibitishwa imani katika hali mbili za Kristo zisizochanganyikana wala kutenganika.

Hata hivyo mabalozi wa Leo hawakuwekwa kati ya viongozi wa mtaguso, na kanuni ya 28 ilidai Kanisa la Konstantinopoli kuwa muhimu sawa na la Roma. Kwa hiyo Leo aliikataa, akisisitiza nafasi ya kwanza ya Roma ili kudumisha umoja hasa katika kipindi hicho cha fujo.

Vilevile, Leo alipambana kwa nguvu na Wapelaji, Wamani na Waprishila akitetea daima imani kadiri ya mapokeo ya mitume, akiunganisha vizuri ajabu unyenyekevu wake mwenyewe na hakika juu ya ukuu wa cheo chake kama mwandamizi wa Mtume Petro; vilevile alipambana na ushirikina wa Wapagani.

                                     

3. Siasa

Wakati Dola la Roma lilipokuwa likisambaratika, Leo alipata umaarufu pia kwa kutumia mamlaka yake ya kiroho tu ili kuzuia uvamizi wa Roma uliohofiwa kufanywa na Atila, mfalme wa Wauni 452 na ili kupunguza madhara ya ule uliofanywa na Wavandali kwa wiki mbili 455. Tena alistawisha matendo ya huruma mjini kwa waliopatwa na njaa, dhuluma na ufukara, kama vile umati wa wakimbizi.

                                     

4. Umuhimu wa Leo

Leo aliunganisha vizuri ajabu unyenyekevu wake mwenyewe na hakika ya ukuu wa cheo chake kama mwandamizi wa Mtume Petro, akiingilia kati masuala mbalimbali magharibi na mashariki vilevile kwa njia ya barua na ya mabalozi wake.

Umuhimu wa Upapa wa Leo, ambao ulidumu muda mrefu kuliko Mapapa karibu wote, ni katika kusisitiza hata kwa madondoo ya Biblia mamlaka ya pekee ambayo Kanisa la Roma linayo juu ya makanisa yote duniani kutokana na Mtume Petro kuwekwa na Kristo na kufia Roma walipo waandamizi wake.

Ndilo fundisho linalojitokeza mfululizo katika barua zake 143 na hasa katika hotuba 96 zilizopo hata leo.

Humo unajitokeza utajiri na uwazi wa mafundisho aliyoyatoa kwa lugha sahili na safi. Ndio mkusanyo wa kwanza wa hotuba za Kipapa zilizochangia sana ustawi wa Kanisa baadaye.

Aliunganisha matendo ya ibada na maisha ya kila siku ya Wakristo, k.mf. saumu na matendo ya huruma. Alionyesha kuwa liturujia ya Kikristo si kumbukumbu ya matukio yaliyopita, bali utimiaji wa mambo yasiyoonekana katika maisha ya kila mmoja. Hivyo ni lazima Pasaka iadhimishwe kila wakati wa mwaka," si kama jambo la zamani, bali kama tukio la leo”. Hata siku hizi Liturujia ya Roma inazidi kutumia matini yake mengi na kufuata mtindo wake bora katika sala.



                                     

5. Vyanzo

  • Louise Ropes Loomis, The Book of Popes Liber Pontificalis. Merchantville, NJ: Evolution Publishing. ISBN 1-889758-86-8 Reprint of the 1916 edition. English translation with scholarly footnotes, and illustrations.
  • T. Jalland, The Life and Times of St. Leo the Great, London, 1941.
                                     

6. Viungo vya nje

  • St Leo of Rome Orthodox Synaxarion 18 Februari
  • Pope Leos Tome ccel.org
  • St Leo the Great the Pope of Rome Orthodox icon and synaxarion
  • Papa Leo I katika Kamusi Elezo ya Kikatoliki
  • Early Church Texts The Tome of Leo in Greek and Latin with English translation.
  • Maandishi yake yote katika Patrologia Latina ya Migne pamoja na faharasa
                                     
  • Papa Agapeto I alikuwa Papa kuanzia mwezi wa Mei au Juni 535 hadi kifo chake tarehe 22 Aprili 536. Alimfuata Papa Yohane II akafuatwa na Papa Silverio
  • Papa Marcello I alikuwa Papa kuanzia mwezi wa Mei au Juni 308 hadi kifo chake mwaka wa 309. Alimfuata Papa Marcellinus aliyekufa wakati wa dhuluma ya Kaisari
  • Papa Nikolasi I au Nikolasi Mkuu takriban 820 13 Novemba 867 alikuwa Papa kuanzia tarehe 24 Aprili 858 hadi kifo chake. Alimfuata Papa Benedikto III
  • Papa Boniface I alikuwa Papa kuanzia tarehe 28 Desemba 418 hadi kifo chake tarehe 4 Septemba 422. Alimfuata Papa Zosimus akafuatwa na Papa Selestino I
  • Papa Paulo I alikuwa Papa kuanzia tarehe 29 Mei 757 hadi kifo chake tarehe 28 Juni 767. Alimfuata Papa Stefano II ambaye alikuwa kaka yake, akafuatwa na
  • Papa Alexander I alikuwa Papa kuanzia takriban 106 hadi kifo chake takriban 116. Alimfuata Papa Evaristus akafuatwa na Papa Sixtus I Tangu kale anaheshimiwa
  • Papa Sergio I alikuwa Papa kuanzia tarehe 15 Desemba 687 hadi kifo chake tarehe 8 Septemba 701. Alimfuata Papa Konon akafuatwa na Papa Yohane VI. Alizaliwa
  • Papa Sixtus I au Xystus alikuwa Papa kuanzia takriban 117 hadi kifo chake takriban 126. Alimfuata Papa Alexander I akafuatwa na Papa Telesphorus. Tangu
  • Papa Leo III takriban 750 12 Juni 816 alikuwa Papa kuanzia tarehe 26 Desemba 795 hadi kifo chake. Alimfuata Papa Adriano I akafuatwa na Papa Stefano
  • Papa Yohane I alikuwa Papa kuanzia tarehe 13 Agosti 523 hadi kifo chake tarehe 18 Mei 526. Alimfuata Papa Hormisdas akafuatwa na Papa Felisi IV. Tangu

Users also searched:

...
...
...